பின்னூடடம் இடமுன் ஒருகணம் நில்லுங்கள்

///.. சும்மா உம்மடை பக்கத்துக்கு ஆள் பிடிக்கிறதுக்காக கண்ட நிண்டதுகளையும் போட வேணாம் சரியோ.. ///

பல பின்னூட்டங்கள் என்னை மனசங்கடத்தில் தள்ளியது என்பதில் சந்தேகம் இல்லை சிலதை அழித்த பிறகு மட்டறுக்கும் முடிவை அப்படிசெய்த பின்பு வந்த பலதை பிரசுரிக்க வில்லை என்னால் ஏற்றுக்கொள்ளக் கூடியதும் சாதாரனமாக சீண்டும் தன்னைமை கொண்ட ஒன்றை இங்கே அனுமதித்திருக்கிறேன்

தயவுசெய்து அபாண்டமான வார்த்தைகளை பாவிக்காதீர்கள் இயந்திரம் போல் ஓடும் இந்த உலகில் தமிழ் மீது கொண்ட சிறிது பற்றாலும் தமிழ்ழோடு சிறிது நேரமாவதாவது செலவிட வேண்டும் என்ற ஒரு ஆசையாலும் நாங்கள் இணையத்தில் எழுத வாசிக்க வருகிறோம்

நான் படித்த கனவான்களோ அல்லது இத்துறையில் பெரியஅனுபவம் பெற்ற பாண்டித்தியம் கொண்டவர்களோஅல்ல சற்று தகவல்தொழில் நுட்பத்தில்(IT) ஈடுபாடுமட்டுமே இருக்கிறது எனது தேடலில் கிடைக்கின்ற தகவலை அப்படியே மொழிபெயர்த்து தருகிறேன். அதில் விளக்கம் காணது என்றபோது அதில் பின்னூட்டமிடுங்கள் அதை எங்கிருந்து தகவல்எடுத்தேனே அங்கே கேட்டு பதில் கிடைத்தால் மறுமொழி இடுவேன் அல்லது அப்படியே இருந்து விடும்.

நான் எழுதுமிடம் பொது நூலகம் இணையத்தின் முலம் அவர்கள் உலாவுவதை தவிர வேறு எதற்கும் அனுமதிப்பதில்லை. நான் இயன்றளவு பின்னூட்டங்களுக்கு பதில் தர விளைகிறேன் ஆனாலும் எனக்கு கால அவகாசம் என்பது முக்கியம் ""சுடுகுது மடியை பிடி"" என்று எங்கள் ஊரில் ஒரு பழமொழி உண்டு அப்படி இல்லாமல் நிதானமாக அவசியப்படும் கேள்விகளை கேளுங்கள் முயல்கிறேன்.

முதலில் நீங்களே முயற்சி செய்யுங்கள் தெரியாதவிடின் கேள்வி கேளுங்கள் அவை பற்றி தெரிந்த ஏனைய நண்பர்கள் பதில் தருவார்கள் இல்லைஎனின் நான் பதிலுக்கு முயற்சி செய்கிறேன்

சில இலட்சங்களை மாத வருவாய்பெறுகிறவர்கள அல்ல சாதரணமாக புலம் பெயர்தல் என்னும் ஆற்றினுள் தெரியாமல் தவறிவிழுந்து கரையேற முடியாமல் தவிக்கும் களிமண் பொம்மைகள் தலையிலோ பெரும் சுமை மனதிலே நம்பிக்கை இவை தவிர வேறு ஒன்றும் இல்லை என்னிடம் என்றோ ஒருநாள் கரையேறுவோமா...? அல்லது ஆற்றுடன் கரைந்து காணமல் போவோமா தெரியாது ஆனாலும் மனதில் உறுதி..